फिल्मी फण्डा। पछिल्लो समय नेपाली सांगीतिक क्षेत्रमा एकपछि अर्को नयाँ सिर्जनाले दर्शक–स्रोताको मन जितिरहेको बेला, गज्जब टिभीको प्रस्तुतीमा “आँखा झिमझिम झिम भो” बोलको नयाँ गीत सार्वजनिक भएको छ। गीतले मायापिरतीको भावनालाई पर्दामार्फत अत्यन्त भावुक र कलात्मक शैलीमा प्रस्तुत गरेको छ।

यस गीतका शब्द नेपाल प्रहरीका एआईजी दानबहादुर कार्कीले लेखेका हुन् भने संगीत बसन्त सापकोटाले दिएका छन्। प्रेम र समर्पणले भरिएको गीतमा गायिका सदिक्षा कार्की कट्टेल र गायक समिर खरेलको सुमधुर स्वरले थप मिठास भरेको छ। दुवै गायन कलाकारको आवाजले गीतको भावलाई अझ सशक्त बनाएको छ।

गीतको भिडियोमा कलाकार सुनिल छेत्री र कविता नेपालीको उत्कृष्ट अभिनय देख्न पाइन्छ। उनीहरूले प्रेमका भावनालाई नृत्य र अभिनयका माध्यमबाट प्रभावशाली ढंगले उजागर गरेका छन्।

किरण थापाको निर्देशन रहेको भिडियोको कोरियोग्राफी, छायांकन र सम्पादन पवन सुस्लिङ्गले गरेका छन्। एकै व्यक्तिबाट तीनवटै जिम्मेवारी कुशलताका साथ सम्हालिएको देखिन्छ। भिडियोको कलात्मक प्रस्तुतिमा सिनेम्याटोग्राफी विशेष प्रशंसनीय छ, जसले गीतलाई दृश्यात्मक रूपमा अझै प्रभावशाली बनाएको छ।

“आँखा झिमझिम झिम भो” नेपाली संगीतप्रेमीहरूको लागि एक नयाँ स्वाद हो जसले मायालु मनहरूलाई छोएको छ। कलात्मक निर्देशन, भावनात्मक शब्द, सुमधुर संगीत र उत्कृष्ट अभिनयले यो गीतलाई सधैं सम्झनलायक बनाएको छ।

भिडियो Gazzab Tv को आधिकारिक युट्युब च्यानलमार्फत सार्वजनिक गरिएको छ। गीतले छोटो समयमै दर्शक र श्रोताबाट सकारात्मक प्रतिक्रिया पाइरहेको छ र सामाजिक सञ्जालमा समेत चर्चा बटुलिरहेको छ।

फिल्मी फण्डा २०८२ आषाढ १७,मंगलवार १२ : ५५ AM

3.6k Shares