फिल्मी फण्डा। काभ्रेको पनौतीस्थित काभ्रे इङ्लिस माध्यमिक विद्यालयमा चलचित्र साक्षरतासम्बन्धी एक विशेष कार्यक्रम सम्पन्न भएको छ, जहाँ ३८० जना विद्यार्थीहरूको उत्साहजनक उपस्थिति रह्यो।

चलचित्रप्रतिको चासो, चेतना र बुझाइ बढाउने उद्देश्यसहित चोया डिजिटल सोलुसनको आयोजनामा तथा सेलिब्रेटी नेपालको व्यवस्थापनमा कार्यक्रम गरिएको हो। यसमा चलचित्र विकास बोर्ड र सञ्चार रजिष्ट्रारको कार्यालय, हेटौंडाको सहकार्य रहेको थियो।

कार्यक्रमका क्रममा विद्यार्थीहरूलाई चलचित्रको इतिहासदेखि निर्माण प्रक्रिया, यसको सामाजिक प्रभाव र सिने साक्षरताको वर्तमान महत्वबारे जानकारी दिइयो। दृश्य–श्रव्य सामग्रीको प्रयोगले सिकाइलाई अझ रोचक र प्रभावकारी बनाएको थियो।

कार्यक्रममा सहभागी विद्यार्थीहरू उत्साहित देखिन्थे। आयोजकका अनुसार यस्ता गतिविधिबाट विद्यार्थीहरूमा सिर्जनशीलता, विश्लेषण गर्ने क्षमता र चलचित्रप्रतिको गहिरो समझ पैदा हुने विश्वास लिइएको छ।

फिल्मी फण्डा २०८२ आषाढ ५,बिहिवार ०३ : ४३ AM

3k Shares