फिल्मी फण्डा–अमेरिकी टिभी शृङ्खला ‘स्क्रिम’ मा अभिनय गरेकी अभिनेत्री मेलिसा बरेरालाई इजरायल विरोधी बयान गरेको भन्दै सिरिजको सातौँ संस्करणबाट बर्खास्त गरिएको छ । यसबारे मेक्सिकोकी यी अभिनेत्रीले आफ्नो मौनता तोड्दै भनिन्, ‘चुप बस्नु कुनै विकल्प होइन ।’बरेराले आफ्नो सामाजिक सञ्जालमा इजरायल र हमास बिचको हालैको तनावको बारेमा पोस्ट गरेकी थिइन् । जसमा उनले गाजामा ’नरसंहार’ रोकिनुपर्ने र इजरायलले गाजालाई हिरासत केन्द्रको रूपमा प्रयोग गर्न बन्द गर्नुपर्ने बताएकी थिइन् । उनको भनाइलाई शृङ्खला बनाउने स्टुडियोले 'यहुदी विरोधी' भनेको छ ।

यस विषयमा आफ्नो मौनता तोड्दै बरेराले सामाजिक सञ्जाल पोस्टमा लेखेकी छिन्, ‘सबैभन्दा पहिले म सेमिटिजम् र इस्लामोफोबियाको निन्दा गर्छु। म कुनै पनि समूहको विरुद्धमा हुने कुनै पनि प्रकारको घृणा र पूर्वाग्रहको निन्दा गर्छु।’

फिल्मी फण्डा २०८० मंसिर ९,शनिवार ०७ : ४७ PM

3.7k Shares