फिल्मी फण्डा । भारतमा ‘नेशनल क्रस’ भनेर चर्चित दक्षिण भारतीय अभिनेत्री रश्मिका मन्दनाको एउटा भिडियो सामाजिक सञ्जालमा भाइरल भइरहेको छ । केही वर्ष पुरानो यो भिडियोमा रश्मिकाको इन्गेजमेन्ट भइरहेको देखिन्छ । 

वास्तवमा यो भिडियो ८ वर्ष पुरानो हो । भिडियोमा रश्मिकाले दक्षिण भारतीय अभिनेता रक्षित शेट्टीसँग इन्गेजमेन्ट गरेको देखिन्छ । इन्गेजमेन्टपछि दुवैजना आ–आफ्ना औँलाको औँठी देखाइरहेको देखिन्छ ।

‘डेब्यू’ फिल्मका सह–कलाकार थिए रक्षित

रश्मिकाले सन् २०१६ मा रक्षित शेट्टीको अपोजिट कन्नड फिल्म ‘किरिक पार्टी’बाट आफ्नो करियर सुरुआत गरेकी थिइन् । दुवैले फिल्मको सुटिङका ​​क्रममा डेटिङ सुरु गरेका थिए । २०१७ को जुलाई ३ मा दुबैले इन्गेजमेन्ट पनि गरे । इन्गेजमेन्टको समयमा रश्मिका २१ वर्षकी थिइन् भने रक्षित शेट्टी ३४ वर्षका थिए । दुवैको उमेरमा करिब १३ वर्षको अन्तर थियो ।

तर रश्मिका र रक्षितको सम्बन्ध लामो समय टिक्न सकेन । इन्गेजमेन्ट गरेको एक वर्षपछि २०१८ को सेप्टेम्बर उनीहरूले इन्गेजमेन्ट तोडे । सम्बन्ध टुट्नुको कारणबारे दुबैले केही पनि बताएनन् । सम्बन्ध टुटेपनि दुवै एकअर्काको सम्पर्कमा छन् । ‘म र रश्मिका कहिलेकाहीँ एकअर्कालाई म्यासेज गर्छौ । आफ्नो कुनै पनि फिल्म रिलिज हुँदा हामी एक अर्कालाई शुभकामना दिन्छौँ,’ इन्डियन एक्सप्रेससँगको कुराकानीमा रक्षितले एक पटक भनेका थिए ।

फिल्मी फण्डा २०८१ मंसिर ७,शुक्रवार ०७ : ५८ PM

556 Shares