फिल्मी फण्डा । संगीतकार तथा गायक राज सागर र मेनुका पौडेलको आवाज रहको म्युजिक भिडियो हारजीत बजारमा सार्वजनिक गरीएको छ । काठमाण्डौं स्थित एक होटलमा बिमोचन कार्यक्रमको आयोजना गर्दै उक्त भिडियो सार्वजनिक गरीएको हो । 

सार्वजनिक भिडियोमा बिक्रम पौडेल र रजनी केसीको अभिनय रहेको छ । ओएसआर डिजिटल बाट सार्वजनिक उक्त भिडियोलाई बरिष्ठ निर्देशक सुब्रतराज आचार्यले निर्देशन गरेका हुन् । 

जितेन्द्र मल्लको लेखनमा तयार भएको गजललाई निर्देशक आचार्यले उत्कृष्ट भिडियोमा उतारेका छन्, सार्वजनिक भिडियोको अडियो भ्वाइस अफ नेपालको स्टुडियोमा तयार गरीएको हो । भिडियोलाई निरज भुसालले क्यामेरामा कैद गरेका हुन् । छ मिनेट ३४ सेकेन्ड लामो भिडियोमा सुटिङ सेटका रअ फुटेज पनि समावेश गरीएको छ ।

भिडियोको बारेमा

भिडियोमा मोडल रजनी केसी र बिक्रम पौडेलको प्रेम सम्बन्धलाई देखाइएको छ । उनिहरुको मौन प्रेम कहानी निकै रोमान्टिक रुपमा प्रस्तुत गरीएको छ । 

अडियो सम्बन्धि रोचक कुरा के छ भने यस अडियोमा गायिका मेनुका पौडेलले भारतीय टेलिभिजन सो इण्डियन आइडलमा जानु अघि नै आवाज भरेकी थिइन् । संगीतकार राज सागरले मेनुकाको आवाजको पहिचान धेरै समय अघि नै गरिसकेका थिए भन्ने कुरा यसै भिडियो मार्फत् स्पष्ट हुन्छ । 

https://youtu.be/w7QTb_wj79Q?si=5pHOPsFzxWWTU3KE

फिल्मी फण्डा २०८१ श्रावण २,बुधवार ०४ : ३० PM

4.1k Shares