फिल्म पोस्टपोण्ड हुने हल्लाको बिच 'एक भगवत् गीता' को पोस्टर सार्वजनिक, भदौ २९ मै रिलिज हुने

फिल्मी फण्डा । झरना थापाको निर्देशनमा बनेको फिल्म 'एक भगवत् गीता'को नयाँ पोस्टर सार्वजनिक गरीएको छ । निर्माण टिमले फरक फरक पाँच पोस्टर सार्वजनिक गर्दै फिल्म रिलिजको मिति भदौ २९ लाई नै यथावत् राखेको छ । फिल्म पोस्टपोण्ड हुने चर्चा चलिरहँदा निर्देशक झरना थापाले पोस्टर सार्वजनिक गर्दै आफ्नो फिल्म निर्धारित मितिमै रिलिज हुने जानकारी दिएकी हुन् ।

सार्बजनिक पोस्टरमा सुहाना थापा, विपिन कार्की र धिरज कार्की फिचर्ड छन् । पोस्टरमा सुहाना र धीरजको प्रेम भाव सहित देखिएका छन् भने विपिन आक्रोसित मुद्रामा देखिएका छन् । फिल्ममा विपिन कार्की कमलावाईको भुमिकामा देखिने छन् ।

झरना थापाको तेस्रो निर्देशकिय फिल्म एक भगवत् गीतामा सुहाना थापा, धिरज मगर, विपिन कार्कि को अलावा अनुराग कुँवर, कबिर खड्का, सन्जोग रसाइली जेभिस र जेभिन श्रेष्ठको मुख्य भुमिकामा देखिदैछन् ।

सुहाना इन्टरटेनमेन्टको प्रस्तुति र सुनिल कुमार थापा प्रोडक्सनको व्यानरमा निर्माण भएको फिल्मलाई सुनिल कुमारले निर्माण गरेका हुन् । फिल्ममा प्रवेश मल्लिकको ब्याकग्राउन्ड स्कोर, रामजी लामिछानेको कोरियोग्राफी, काव्या थापाको शृंगार र मित्र डि गुरुङको सम्पादन रहेको छ ।