हसनको मुख्य भूमिका रहेको फिल्म ‘वन अफ द मिलियन्स’को छायांकन सम्पन्न

फिल्मी फण्डा। फिल्म ‘अलबिदा’बाट नेपाली फिल्म क्षेत्रमा प्रवेश गरेका नायक हसनराजा खान अभिनित फिल्म ‘वन अफ दि मिलियन्स’को छायांकन अमेरिकामा सकिएको छ । ११ दिन लगाएर फिल्मको छायांकन गरिएको नायक खानले जानकारी दिएका छन् ।

यो फिल्मलाई विशाल सापकोटाले निर्देशन गरेका हुन् । एक नेपाली आप्रवासीको अमेरिका पुग्ने सपनाको कथालाई यो फिल्मले भन्छ । अवैध बाटो अपनाएर आफ्नो भविष्य बनाउने आशामा घरपरिवार छाडेर अमेरिका पुग्नका लागि जोखिम मोल्ने नेपालीको कथामा यो फिल्म बनेको निर्माणपक्षले बताएको छ । यो फिल्ममा हसनको साथमा कलाकार सुवास थापाको पनि मुख्य भूमिका छ । रामेश्वर कार्कीले खिचेको फिल्मले दर्शकको मन जित्ने विश्वास गरिएको छ ।

यो फिल्ममा हसन र सुवासको साथमा अन्य २० जना अमेरिकामा नै रहेका कलाकारहरुले अभिनय गरेका छन् । सन् २००९ मा काठमाडौंमा आयोजित ‘मिस्टर क्यापिटल’ जितेका हसनले ‘अलबिदा’पछि ‘रोमियो’ नामक फिल्ममा अभिनय गरेका थिए । यो फिल्मबाट पनि आफूलाई दर्शकहरुले अझै बढी साथ दिने हसनको विश्वास छ ।

हसनले सन् २०१५ मा कतारको राजधानी दोहामा आयोजित ‘नेफ्टा अवार्ड’मा उत्कृष्ट नव–नायकको अवार्ड जितेका थिए भने उनी न्यूयोर्कमा आयोजित ‘ग्लोबल फिल्म अवार्ड’मा पनि सहभागी हुँदै फिल्म ‘डिपार्चर’ निर्माणको घोषणा गरेका थिए । फिल्म ‘वन अफ दि विलियन्स’लाई विभिन्न अन्तरराष्ट्रिय महोत्सवमा रिलिज गरिने र त्यसपछि नेपालमा रिलिज गरिने बताइएको छ ।

क्विक न्युज

हसनको मुख्य भूमिका रहेको फिल्म ‘वन अफ द मिलियन्स’को छायांकन सम्पन्न

‘१२ गाउँ २’को ‘लालीगुराँस’ सार्वजनिक

विकास बोर्ड अध्यक्षका लागि १२ प्रतिस्पर्धी, जेनिश पहारी पनि मैदानमा

अनमोल केसी स्टारर ‘बाटुलो जून’को टिजर सार्वजनिक

‘नेशन्स गट ट्यालेन्ट–३’को मेगा अडिसनमा १८० बाल प्रतिभा

‘बाः एक योद्धा’को व्यापार कति भयो? दोस्रो सातामा पायो १०० बढी शो

१० लाख खर्चेर हेलिकप्टर चार्टर गरि ‘डिसेम्बर फल्स’को सुटिङ

बलिउड निर्देशक प्रकाश झाले गरे किम्फको शुभारम्भ

रघुनाथको ‘चिलगाडी’ उडाउँदै ‘मन्त्र’ निर्देशक गुरुङ

Filmyfanda

Quick Links

Our Team