फिल्मी फण्डा। पछिल्लो शुक्रबारदेखि प्रदर्शनमा आएको फिल्म 'रंगी' को गीत 'उडिदेउ' सार्वजनिक भएको छ। गीतमा अन्जान रानाभाटको स्वर र संगीत रहेको छ भने, अञ्जान र सौगात सापकोटाको शब्दले यसलाई सजाइएको छ। भिडियोमा प्रमुख कलाकारहरू सलोन बस्नेत, नम्रता श्रेष्ठ, आयुषी ढकाल र सुमिन गुरुङको मनमोहक अभिनय देख्न सकिन्छ।

गीतको विषयवस्तुमा सलोन बस्नेतले छोरी आयुषीका लागि गरेको संघर्षलाई समेटिएको छ, जसले दर्शकहरूको मन छुने गर्छ। यो गीत स्याड भर्सनमा प्रस्तुत गरिएको छ, जसले चलचित्रको कथालाई गहन बनाउनेछ।

सान्भी इन्टरटेनमेन्ट प्रालिको ब्यानरमा निर्माण भएको ‘रंगी’ चलचित्रमा सुरेश न्यौपानेको डेब्यू निर्देशन छ। चलचित्रका निर्माताहरू सक्षम सुवेदी, करिश्मा केसी बस्नेत र अनिश गौतम रहेका छन्। चलचित्रमा दिलीप रायमाझी, उत्तम केसी, सुमिन गुरुङ र विशाल पहारीजस्ता कलाकारहरूको उत्कृष्ट अभिनय पनि हेर्न पाइनेछ।

चलचित्र र यसको गीत 'उडिदेउ' ले दर्शकहरूको ध्यान आकर्षित गरेको छ। दर्शकहरूले यसलाई कसरी लिनेछन् भन्ने चासोको विषय बनेको छ। 

फिल्मी फण्डा २०८१ फाल्गुण ५,सोमवार ०४ : ५३ PM

2.9k Shares