फिल्मी फण्डा । अभिनेता सलोन बस्नेत राजा अनि रानीको रुपमा केकी अधिकारी प्रस्तुत भएकी छन् । आगामी भाद्र ८ गतेबाट प्रदर्शन हुन लागेको फिल्म 'जय हो' को एक गीतमा सलोन राजा र केकी रानी बनेकी हुन् ।

आफ्नो संसारलाई सबैभन्दा सुखद् र उत्कृष्ट मानेर आफ्नो रानी भएर बस्न सलोनले केकीलाई गीतमा वर्णन गरेका छन् । केकीले पनि आफ्नो राजा तिमी (सलोन) नै हौं भने भाव व्यक्त गरेकी छन् । सागर आले मगरको शब्द संगीत र स्वरमा तयार भएको गीत 'राजा रानी' बोलमा सलोन र केकी यसरी प्रस्तुत भएकी हुन् ।

गीतको भिडियोलाई पोखरा आसपासका रमणिय स्थलमा खिचिएको छ । गीतमा सदिक्षा कट्टेलले पनि स्वर दिएकी छन् । पछिल्लो समय सागर आले मगरले आफ्नै कम्पोजमा गीतहरु तयार गरेका छन् । सो मध्य केही फिल्मको पाश्व गायनको लागि छुटाएको र राजा रानी जय हो मा समावेश भएको उनले बताए ।
 
रामजी लामिछानेले गीतलाई स्वतन्त्र रुपमा युगल जोडीलाई प्रस्तुत गर्दै निर्देशन गरेका छन् । उनले रोमान्टिक गीतलाई कोरस विना पनि उत्कृष्ट तयार पनरेका छन् । गीतको भिडियोलाई सौरभ लामाले खिचेका हुन् ।

'जय हो' मा केकि अधिकारी, सलोन बस्नेत, निशा अधिकारी, अर्पन थापा, माओत्से गुरु को अलावा सुमि गुरु ,प्रेम पाण्डे र सुसान्त कुमार श्रेष्ठ लगायत कलाकारको मुख्य भुमिका रहेको छ । टेक पौरखि राईको निर्देशन रहेको फिल्म सलोन सलिजा फिल्मस् को ब्यानरमा निर्माण भएको हो । फिल्ममा राज के अधिकारी र सुरज सरकारको संयुक्त लगानि रहेको छ ।

'जय हो' मा सम्रात बस्नेतको एक्शन, रेनिश फागोको कलर ग्रेडिङ, समीर मियाँको भिएफएक्स र बनिश शाहको सम्पादन रहेको छ । शोभित बस्नेत प्रस्तुतकर्ता रहेको फिल्मलाई टेक पौरखी राईले निर्देशन गरेका हुन् । फिल्मलाई उपत्यकामा डिसिएन तथा रिच इन्टरटेनमेन्ट र उपत्यका बाहिर एफडी कम्पनीले वितरण गर्दैछ ।

फिल्मी फण्डा २०८० श्रावण १२,शुक्रवार ०४ : १३ PM

4k Shares