फिल्मी फण्डा । चलचित्र 'फिरफिरे फिरिरी' को हाँस्य र हरर मिश्रित ट्रेलर सार्वजनिक गरिएको छ। चलचित्र विकास बोर्डको हलमा आयोजित कार्यक्रममा ट्रेलर सार्वजनिक भएको हो। लगभग ३ मिनेट लामो यो ट्रेलरले गाउँमा बस्ने चार युवकहरूको जीवनमा एक युवतीको आगमनपछि उत्पन्न हास्यास्पद परिस्थितिहरूलाई देखाउँछ।

ट्रेलरले फिल्मले हररमा पनि नयाँ स्वाद दिने संकेत गर्छ। यो चलचित्र माघ ४ गतेबाट प्रदर्शनमा आउनेछ, र नविन भट्टले निर्देशन गरेका हुन्। ट्रेलर रिलिज कार्यक्रममा निर्माता तथा कलाकार मनोज अधिकारीले चलचित्र फरक कथावस्तुमा र नौलो शैलीमा निर्माण गरिएको बताएका छन्।

फिल्ममा सन्दीप श्रेष्ठ, भावना उप्रेती, रविना केसी, पिटर प्रिन्स, मनोजकुमार अधिकारी, शंकर सेढाई, सूर्यमान लिम्बू, र पुष्प अवस्थी लगायतका कलाकारहरूले अभिनय गरेका छन्। निर्देशक भट्ट र सन्दीप श्रेष्ठले मिलेर फिल्मको स्क्रिप्ट लेखेका हुन्।

मनोजकुमार अधिकारी फिल्मका निर्माता हुन्। फिल्ममा जितु तामाङको छायाङ्कन, केशवराज भट्टको कोरियोग्राफी, प्रशान्त शिवाकोटीको संगीत, र अनन्त घिमिरेको सम्पादन रहेको छ। बिन्दबासिनी क्रियसनको ब्यानरमा बनेको यो फिल्मलाई देशभर आरआर फिल्मस्ले वितरण गर्नेछ। साथै, फिल्मको डिजिटल अधिकार म्युजिक नेपालले खरिद गरेको छ।

फिल्मी फण्डा २०८१ पौष २२,सोमवार ०७ : ३३ PM

4.6k Shares