फिल्मी फण्डा । अगामी असोज २४ अर्थात फुलपाती देखी देशव्यापी रुपमा प्रर्दशनमा आउन लागेको चलचित्र १२ गाँउको ३ मिनेट १४ सेकेन्ड को ट्रेलर सार्वजनीक गरिएको छ ।  ट्रेलरमा प्रेम र पीडाको पनि समिश्रण रहेको छ । विराजलाई बाघको रुपमा चित्रित गरिएको छ ।  

एक्सन कोरियोग्राफी, छायांकन र प्रोडक्सन डिजाइनमा ट्रेलर विशेष रहेको छ । विराज र समीर पहिलो पटक एकसाथ देखिएकाले दर्शकमा ‘१२ गाउँ’को ठूलो प्रतिक्षा रहेको छ ।

 एक्सन र संवाद हावी रहेको ट्रेलरको अन्तिममा समीर ‘सिक्स प्याक एब्स’ देखाउँदै प्रस्तुत छन् । एक्सनप्रति रुचि हुने दर्शकलाई फिल्मले आकर्षित गर्न सक्ने देखिन्छ । एक्सन चलचित्र रुचाउने दर्शक हरुलाई यस चलचित्रले आकर्षित गर्ने देखीन्छ । 
चलचित्रमा पूर्व ‘मिस नेपाल इन्टरनेशनल’ न्यान्सी खड्का, मोडल सनिशा भट्टराई, दीया मास्के, अर्जुन जंग शाही, कनिज कोइराला, नरेन खड्का, कृष्ण भट्ट, सोनु चन्द्रपाल, कालु राना, शुलेमान शंकर ‘इकु’, भिष्म जोशी, स्टन्ट सिल्भा ९साउथ फिल्मका कलाकार लगायतको पनि अभिनय रहेको छ । 

 चलचित्रमा महेश पौडेलको छायांकन, अर्जुन पोखरेल र निरज सिंहको संगीत, रामजी लामिछाने र सुनिल क्षेत्रीको कोरियोग्राफी तथा प्रवीन केएल र भुपेन्द्र अधिकारीको सम्पादन रहेको छ भने विराज स्वयंको कथा र सन्तोष सरकारको पटकथा तथा संवाद लेखन रहेको छ । यसमा द्वन्द्व निर्देशन साउथका स्टन्ट सिल्भाले गरेका छन् । उनले साउथका ५० बढी फिल्ममा द्वन्द्व निर्देशन गरिसकेका छन् ।

https://youtu.be/Tc0ZtDdNkX8?si=K4HDNBi3lsx7EjjD

फिल्मी फण्डा २०८१ आश्विन १५,मंगलवार ०४ : ०८ PM

381 Shares