फिल्मी फण्डा । फिल्म ‘पूर्ण बहादुरको सारङ्गी’को छायाङ्कन सुरु गरिएको छ । सेभेन सिज सिनेमाको प्रस्तुतिमा बन्न लागेको फिल्मले ओखलढुङ्गा जिल्लाको रुम्जाटारबाट छायाङ्कन सुरु गरेको हो ।

फिल्मका लागि पहिलो दृश्य प्रकाश सपूत र बाल कलाकार जान्भि पौडेल दिए । फिल्ममा विजय बराल, प्रकाश सपुत,मुकुन भुसाल, अञ्जना बराइलीको मुख्य भूमिका रहेको छ । फिल्ममा विनोद न्यौपाने, भोलाराज सापकोटा, बुद्धि तामाङ, माओत्से गुरुङ र देशभक्त खनाल लगायतका कलाकार पनि देखिनेछन् । फिल्मको बालकलाकारमा जान्भिको अलवा स्वायम् केसीको अभिनय रहनेछ ।

फिल्मका लेखन तथा निर्देशन सरोज पौडेल हुन् । फिल्ममा उनकै लेखन रहेको छ । सोसल–ड्रामा जनरामा बन्ने फिल्म गन्धर्व परिवारको कथामा आधारित रहनेछ । फिल्मलाई अन्तर्राष्ट्रिय रूपमा फिल्म वितरण गर्दै आएको कम्पनी सेभेन सिज इन्टरटेनमेन्टले निर्माण गर्न लागेको हो ।

फिल्ममा महेश दवाडीको पटकथा तथा संवाद रहेको छ । फिल्ममा प्रशान्त सिवाकोटीको संगीत, हेमन्त कान्छा रसाइलीको सारङ्गी रहने छ ।

विनोद पौडेल र प्याट्रिक सुवेदी फिल्मको लगानीकर्ता हुन् । फिल्मका कार्यकारी निर्माता रमेश चौलागाईं र हरि श्रेष्ठ रहेका छन् ।

निर्माण टिमले फिल्मलाई विसं २०८२ सालभित्र विश्व बजारमा प्रदर्शन गर्ने लक्ष्य राखेको छ ।

फिल्मी फण्डा २०८१ जेठ २६,शनिवार ०७ : ४७ PM

4.4k Shares