फिल्मी फण्डा। पछिल्लो समयको चर्चित फिल्म बोक्सीको घरको लेखक तथा निर्देशक सुलक्षण भारतीको मुख्य अभिनय रहेको फिल्म  ‘बाटोः रोड टु डेथ’ को प्रदर्शन मिति घोषणा भएको छ । निर्माण संस्था काठमाडौँ फिल्मस्को अनुसार फिल्म आगामी जेठ ३२ बाट सार्वजनिक प्रदर्शनमा आउन  लागेको हो । 

फिल्मको निर्देशक मदन थापा र छायाकार शरण ऋषि हुन् । निर्देशक थापा तथा छायाकार ऋषि भारतको चेन्नइ फिल्म उद्योगमा स्थापित व्यक्तित्व हुन् ।

भारतको चेन्नाइमा प्राविधिक कार्य गरिएको यो फिल्म नेपाली, अङ्ग्रेजी, तमिल तथा हिन्दी गरी चार भाषामा तयार हुनेछ ।

फिल्ममा सुलक्षण भारती, रक्षा थापा, उत्पल झा, विजय ताम्राकार लगायतको मुख्य भूमिका देख्न सकिन्छ । फिल्मका निर्माता चन्दन झा हुन् । निर्माता झा काठमाडौँ फिल्मका फाउन्डर समेत हुन् ।

काठमाडौँ तथा गाईघाटमा छायाङ्कन भएको फिल्म डब्बी एटमस साउन्डमा तयार पारिएको छ । 

फिल्मी फण्डा २०८१ बैशाख ३०,आइतवार १० : ३१ AM

4.5k Shares