काठमाडौं । निर्देशक राजु श्रेष्ठको निर्देशनमा नयाँ नेपाली सिनेमा ‘नौ डाँडा काटेर’ निर्माण हुने भएको छ । हाल छायांकनको अन्तिम चरणमा रहेको सिनेमा ‘कंगाल करोडपति’का निर्देशक श्रेष्ठले कोजाग्रत पूर्णिमाको अवसर पारेर आफ्नो नयाँ सिनेमाको घोषणा गरेका हुन् ।

निर्देशक श्रेष्ठले सामाजिक सञ्जाल फेसबुकमार्फत आफ्नो नयाँ निर्देशकीय सिनेमाको नाम सार्वजनिक गरेका हुन् ।

सिनेमा पाठशालाको ब्यानरमा निर्माण हुने ‘नौ डाँडा काटेर’लाई अनिल कुमार बुढाथोकीले निर्माण गर्नेछन् । सिनेमाको कार्यकारी निर्मातामा ईश्वर बल्लभ उप्रेती रहेका छन् भने लाइन प्रोड्युसरको जिम्मेवारी सुरज कुमारले सम्हाल्नेछन् ।

सिनेमाको कथा तथा पटकथा रंग पत्रकार एवं फिल्म निर्माता रघुनाथ सापकोटाले तयार पार्नेछन् ।

निर्देशक श्रेष्ठले सिनेमाका अन्य कलाकार तथा प्राविधिक टोलीका बारेमा भने आफ्नो हाल निर्माणाधीन सिनेमा ‘कंगाल करोडपति’को छायांकन प्याकअप भएपछि जानकारी दिने बताएका छन् ।

‘नौ डाँडा काटेर’को थप विवरण सार्वजनिक हुन बाँकी रहेकाले सिनेमाको कलाकार छनोट, छायांकन तालिका तथा प्रदर्शन मितिबारे भने प्रतीक्षा गर्नुपर्नेछ ।

फिल्मी फण्डा २०८३ कार्तिक ११,मंगलवार १२ : ०० PM

59 Shares