फिल्मी फण्डा। नेपाली फिल्म  ‘बेहुली’ को नयाँ भावनात्मक पोस्टर सार्वजनिक गरिएको छ। सोमवार मण्डला थिएटरमा कलाकारहरुले पोस्टरको भावलाई प्रत्यक्ष रुपमा मिडियाको सामु मञ्चन गर्दै पोष्टर सार्वजनिक गरिएको हो । निर्धारित समयभन्दा झण्डै २ घण्टा ढिला शुरु भएको कार्यक्रममा कालकारहरुले नयाँ प्रयोग सहित पोस्टर सार्वजनिक गरिएको हो । पोस्टरमा रहेका कलाकारहरु भौतीक रुपमा उही पात्र र परिवेशमा सार्वजनिक भएका थिए । 

पोस्टरमा मुख्य कलाकार पारस बम ठकुरी कुलब्वाई र दिव्या रायमाझी भावुक अवस्थामा एकअर्कालाई अँगालो हालिरहेको दृश्य देखाइएको छ। सोही दृश्यलाई मण्डला थिएरटमा प्रस्तुत गर्दै कार्यक्रम शुरु भएको थियो । दुलहीको पहिरनमा रहेकी दिव्या र गम्भीर मुद्रामा देखिएका पारसको प्रस्तुतिले फिल्म प्रेम, बिछोड, पीडा र सम्बन्धको गहिरो भावनात्मक कथामा आधारित रहेको संकेत गरेको छ। पोस्टरमा देखिएको हातको हतकडीले कथामा रहस्य र द्वन्द्वसमेत रहेको अनुमान गर्न सकिन्छ।

शसान कडेलको निर्देशन रहेको फिल्ममा पारस र दिव्या को अलवा सुशान्त कार्की, पदम तामाङ लगायतका कलाकारहरूको अभिनय रहेको छ।

फिल्मका निर्माता संगीतकार समेत रहेका अर्जुन पोखरेल र प्रताप शमसेर राणा हुन्। फिल्ममा साँगीतिक प्रेम कथामा रहने बताइएको छ । फिल्म भदौ २६ देखि दयाहाङ राईको 'पेन्सन पट्टा'सँगै प्रदर्शनमा आउँने बताइएको छ ।

फिल्मी फण्डा २०८३ आषाढ २२,सोमवार ०६ : ४२ PM

150 Shares