फिल्मी फण्डा । चलचित्र विकास शुल्कलाई थप पारदर्शी, व्यवस्थित र अभिलेखीकरणमुखी बनाउने उद्देश्यसहित चलचित्र विकास बोर्डले विराटनगरमा चलचित्र विकास शुल्क पोर्टलसम्बन्धी तालिम तथा अभिमुखीकरण कार्यक्रम सम्पन्न गरेको छ।

शनिबार आयोजित कार्यक्रममा कोशी र मधेस प्रदेशअन्तर्गतका मोरङ, सुनसरी, झापा, सिराहा, सप्तरी, उदयपुर, पाँचथर र धनकुटाका करिब ३६ चलचित्रघरका प्रतिनिधिहरू सहभागी भएका थिए।

कार्यक्रममा चलचित्र विकास शुल्कसम्बन्धी ऐन–कानुन, शुल्क कार्यान्वयन, नियमन प्रणाली तथा पोर्टलको सैद्धान्तिक र व्यवहारिक प्रयोगबारे प्रशिक्षण दिइएको बोर्डले जनाएको छ।

बोर्डले यसअघि काठमाडौं उपत्यकासहित विभिन्न प्रदेशमा यस्तै तालिम सम्पन्न गरिसकेको छ भने बाँकी चलचित्रघरलाई पनि चालु आर्थिक वर्षभित्रै तालिम प्रदान गर्ने जनाएको छ। २५औँ वार्षिकोत्सवअन्तर्गत ‘दक्षता अभिवृद्धि वर्ष’ मनाइरहेको बोर्डले चलचित्र क्षेत्रको क्षमता विकासका कार्यक्रमलाई निरन्तरता दिइरहेको छ।

फिल्मी फण्डा २०८३ जेठ २४,आइतवार ११ : १२ AM

150 Shares