चलचित्र ‘कुम्भ’ जेठ १५ गतेदेखि प्रदर्शनमा

फिल्मी फण्डा। निर्देशक रन्धिर श्रेष्ठको लेखन तथा निर्देशनमा बनेको चलचित्र ‘कुम्भ’ आगामी जेठ १५ गतेदेखि प्रदर्शनमा आउने भएको छ। लामो समयदेखि म्युजिक भिडियो निर्देशन तथा चलचित्र छायांकनमा सक्रिय श्रेष्ठले यस फिल्ममार्फत एक्सन–लभ स्टोरी प्रस्तुत गरेका छन्।

ए रस प्रोडक्सनको ब्यानरमा निर्माण भएको ‘कुम्भ’ नेपाली र हिन्दी दुवै भाषामा रिलिज गरिने जनाइएको छ। चलचित्रमा दक्षिण भारतीय कलाकार सुरेन्द्र ठाकुरको समेत अभिनय रहेको छ।

एक्सन विधामा निर्माण गरिएको यस चलचित्रमा नवनायक अशोक आर्यन, वरिष्ठ कलाकारहरू सुनिल थापा र सुशील पोखरेलका साथै रोहित रुम्बा, अफ्सना थापा र सृष्टि खड्काको मुख्य भूमिका रहेको छ। चलचित्रको नेपाल र साउथ इन्डियामा छायांकन गरिएको चलचित्रमा साउथ इन्डियाका थुप्रै कलाकारको अभिनय रहेको छ।

चलचित्रको छायांकन निर्देशक श्रेष्ठ स्वयंले गरेका हुन्। द्वन्द्व निर्देशन संजय थापाले गरेका छन् भने निर्माणमा रन्धिर श्रेष्ठ र राजेश साह संलग्न छन्।

चलचित्रको पहिलो गीत यही शुक्रबार सार्वजनिक गरिने र त्यससँगै प्रचार–प्रसार अभियान सुरु गरिने निर्देशक श्रेष्ठले जानकारी दिएका छन्।

क्विक न्युज

चलचित्र ‘कुम्भ’ जेठ १५ गतेदेखि प्रदर्शनमा

‘पहाड’ को ट्रेलर सार्वजनिक

‘एक्का तीन’मा पुष्प खड्का भित्रिए

‘कमेडी दरबार’ सिजन ३ वैशाख ४ देखि प्रसारणमा, नयाँ जज र कमेडियन थपिए

‘लालीबजार’ तयार, अन्तर्राष्ट्रिय प्रदर्शन अधिकार बिक्री गर्ने तयारी

नीताले कास्कीबाट थालिन् फिल्म ‘पार्वती’को शुममुहूर्त गर्दै सुटिङ,भदौँ १२ गतेबाट हुँदैछ रिलिज

१० लाख खर्चेर हेलिकप्टर चार्टर गरि ‘डिसेम्बर फल्स’को सुटिङ

बलिउड निर्देशक प्रकाश झाले गरे किम्फको शुभारम्भ

रघुनाथको ‘चिलगाडी’ उडाउँदै ‘मन्त्र’ निर्देशक गुरुङ

Filmyfanda

Quick Links

Our Team