फिल्मी फण्डा । अभिनेता सलोन बस्नेतको निर्देशनमा बनेको नयाँ नेपाली फिल्म रंगीको टिजर र गीत ‘छ भने माया’ यतिबेला सामाजिक मिडियामा तहल्का मच्चाइरहेको छ। फागुन २ गतेदेखि देशभर प्रदर्शन हुने यो फिल्म बाबुछोरीको संवेदनशील कथा बोकेको छ, जसमा सलोन बस्नेत, आयुषी ढकाल र नम्रता श्रेष्ठ प्रमुख भूमिकामा देखिनेछन्।

सलोन बस्नेत, जो फिल्मका प्रस्तुतकर्ता पनि हुन्, र गीतकार तथा संगीतकार दुर्गेश थापा फिल्मको प्रचारमा व्यस्त छन्। हालै दुर्गेश थापाले ‘छ भने माया’ गीत प्रस्तुत गर्दा, सलोनले महोत्सवमा नाचेर दर्शकलाई मनोरञ्जन दिएका थिए। उनीहरू बर्दियाको बासगढी महोत्सवमा फिल्मको प्रचारका लागि उपस्थित भएका थिए।

सलोनका अनुसार, महोत्सवको माहौलमा सयौं दर्शकहरूको बीचमा फिल्मको प्रचार गर्न पाउँदा उनी निकै उत्साहित थिए। उनले भने, “पहिलो पटक निर्माताका रूपमा दर्शकमाझ आउन लागेकोमा खुशी छु। म विश्वास गर्छु कि दर्शकहरूले हाम्रो फिल्मलाई राम्रो साथ दिनेछन्।ू

फिल्मको निर्देशन सुरेश न्यौपानेले गरेका हुन् र यसलाई सान्भी इन्टरटेनमेन्ट प्रालिको ब्यानरमा निर्माण गरिएको हो। रंगीमा सलोन, आयुषी, नम्रता र अन्य कलाकारहरूको अभिनय पनि निकै रोचक छ। दिलीप रायमाझी, उत्तम केसी, सुमिन गुरुङ र विशाल पहारीले पनि महत्वपूर्ण भूमिकामा अभिनय गरेका छन्।

सुमन गजमेरको लेखन, सौरभ लामाको छायांकन र दुर्गेश थापा, आमेश भण्डारी र भीम बिसीको संगीतले फिल्मलाई अझ प्रभावशाली बनाएको छ। फिल्मको सम्पादन बन्दे प्रसादले गरेका छन् र कोरियोग्राफी कविराज गहतराज र शिशिर खातीको हो।फिल्मको वितरण एप्पल इन्टरटेनमेन्ट, एफडी र रिच इन्टरटेनमेन्टले गर्नेछन्।

फिल्मी फण्डा २०८१ माघ ६,आइतवार ०९ : ०४ AM

5.6k Shares