फिल्मी फण्डा । प्रमिला रिजाल, नृत्य निर्देशक, कलाकार र मोडेल, अमेरिकाको न्यूयोर्क सिटीमा १४ देखि १६ जनवरी २०२५ सम्म आयोजित इंटरनेशनल सोसाइटी फर द परफॉर्मिङ आर्ट्स (ISPA)को सम्मेलनमा सहभागी भइन्। सम्मेलनमा ५०० भन्दा बढी विज्ञहरूको सहभागिता रहेको थियो, जसले प्रदर्शन कला र सांस्कृतिक क्षेत्रमा विभिन्न दृष्टिकोण र अनुभवहरू साझा गरे।

सम्मेलनको उद्देश्य प्रदर्शन कला क्षेत्रको सशक्तीकरण र सांस्कृतिक आदानप्रदानलाई प्रोत्साहन गर्नु थियो। प्रमिला रिजालले यस अवसरमा नेपाली कला र संस्कृतिको बारेमा जानकारी दिँदै, भविष्यमा नेपालमा पनि यस्ता कार्यक्रमहरूको आयोजना गर्नका लागि सरकारी र गैरसरकारी निकायसँग सहकार्य गर्न सकिने विचार राखिन्।

यो सम्मेलन ISPA को मिशनलाई समर्थन गर्दै विश्वभरका सांस्कृतिक पेशेवरहरूलाई जोड्ने र प्रदर्शन कला क्षेत्रको महत्वलाई प्रोत्साहित गर्ने प्रयास हो।