फिल्मी फण्डा । काठमाडौं महानगरपालिकाका मेयर बालेन्द्र शाह (बालेन) राजनीतिक नेतृत्वसँगै र्‍याप सङ्गीतका लागि पनि चर्चित छन्। उनका ‘गरिबको चमेली’, ‘नेपाल हाँसेको’, ‘प्रहरी प्रतिकार’, र ‘गोर्खाली तोप’ जस्ता र्‍याप गीतहरू श्रोतामाझ लोकप्रिय छन्।

अब, बालेनले फिल्म ‘लाज शरणम्’ को एक गीतमा स्वर दिने भएका छन्। अर्जुन घिमिरेसँगको व्यक्तिगत सम्बन्धका कारण उनले लामो समयपछि गीत गाउन सहमति जनाएका हुन्।

यो फिल्मको फस्टलुक बुधबार मात्र सार्वजनिक गरिएको थियो। निर्माण पक्षले बालेनको गीत सार्वजनिक गर्दै प्रचारलाई आक्रामक बनाउने योजना बनाएको छ।

सुरुमा बालेनले फिल्ममा अभिनय गर्ने चर्चा चले पनि उनले गीत गाउने निर्णय गरेका छन्। सामाजिक कथामा आधारित यो फिल्म फागुन १४ गतेबाट प्रदर्शनमा आउनेछ। फिल्मको निर्देशन कुमार कट्टेलले गरेका हुन्।

फिल्मका प्रमुख पात्र अर्जुन घिमिरे बालेनको टिममा आबद्ध छन्। उनले गरेको आग्रह अस्वीकार गर्न नसकेर बालेनले गीत गाउन सहमति जनाएका हुन्।

बालेनका लोकप्रिय र्‍याप गीतहरू जस्तै ‘मार्फाको मदिरा’, ‘मन यो उड्यो’, र ‘लोकल ठिटो’ श्रोतामाझ अत्यन्त रुचाइएका छन्। अब, फिल्म ‘लाज शरणम्’ को गीतमा बालेनको आवाजले फिल्मप्रति दर्शकहरूको आकर्षण अझै बढाउने विश्वास निर्माण पक्षले लिएको छ।

फिल्मी फण्डा २०८१ पौष १८,बिहिवार ०२ : ११ PM

3.8k Shares