फिल्मी फण्डा । मुटुमा समस्या भएपछि दक्षिण भारतीय फिल्म सुपरस्टार रजनीकान्त अस्पताल भर्ना भएका छन् । उनलाई चेन्नईको एपोलो अस्पतालमा भर्ना गरिएको पीटीआईले जनाएको छ । उनको आइतबार नै मुटुको शल्यक्रिया गरिने अस्पताल स्रोतले जनाएको छ । हाल उनको अवस्था स्थिर रहेको पीटीआईले जनाएको छ ।

उनको स्वास्थ्य अवस्थाबारेमा जानकारी दिंदै पत्नी लताले भनिन्, ‘सबै ठीक छ । पछिल्लो केही वर्षयता रजनीकान्तको स्वास्थ्य पटक–पटक बिग्रिएको छ । रजनीकान्तको पनि सन् २०१६ मा अमेरिकामा मिर्गौला प्रत्यारोपण गरिएको थियो ।’

सन् २०२० मा पनि उनलाई ‘गम्भीर उच्च रक्तचाप र थकान’का कारण हैदराबादको अस्पतालमा भर्ना गरिएको थियो । रक्तचाप स्थिर भएपछि डाक्टरले उनलाई एक हप्ता आराम गर्न सल्लाह दिएपछि डिसेम्बर २७ मा डिस्चार्ज गरिएको थियो ।

गत वर्ष चेन्नईको एक कार्यक्रममा रजनीकान्तले पछिल्ला केही वर्षमा आफूले सामना गर्नुपरेको स्वास्थ्य चुनौतीको बारेमा कुरा गरेका थिए ।

फिल्मी फण्डा २०८१ आश्विन १५,मंगलवार ०७ : ३० PM

353 Shares