फिल्मी फण्डा ।  अल्लु अर्जुन अभिनीत  फिल्म ‘पुष्पा २’ काे रिलिज हुने मिति ताेकिएकाे छ । यो फिल्म सन् २०२४ अगस्ट १५ अर्थात् २०८१ साल साउन ३१ गतेदेखि प्रदर्शनमा आउनेछ । भारतको स्वतन्त्रता दिवसको अवसर पारेर फिल्म प्रदर्शनमा आउने भएको हो ।  निर्माण युनिटले सामाजिक संजाल मार्फत फिल्मको रिलिज मिति घोषणा गरेको हो ।

‘पुष्पा २’ सन् २०२१ मा रिलिज भएको ‘पुष्पा : द राइज’को सिक्वेल हो । ‘पुष्पा’ले दर्शकबाट अपार माया पाएपछि निर्माण युनिटले ‘पुष्पा २’ घोषणा गरेका थिए । १५ अगस्ट २०२४ मै अजय देवगण स्टारर प्रतीक्षित फिल्म ‘सिंघम अगेन’ पनि रिलिज हुँदैछ । ‘पुष्पा २’ सुकुमार र ‘सिंघम अगेन’ रोहित शेट्टीले निर्देशन गरेका हुन् । 

‘पुष्पा २’मा अल्लु अर्जुनको अलवा एसपी भंवर सिंह शेखावतको भूमिकामा फहद फासिल र रश्मिका मन्दाना मोलेती श्रीवल्लीको भूमिकामा छिन् । निर्माण युनिटले फिल्ममा रहने रश्मिकाको लुक्स भने अहिलेसम्म सार्वजनिक गरेको छैन । 

फिल्मी फण्डा २०८० भाद्र २६,मंगलवार ०२ : ५२ PM

2.1k Shares