फिल्मी फण्डा। दिलिप रायमाझीको छोरी दिव्या रायमाझीको डेब्यु फिल्म ‘एक्टरः टेक वन’को टिजर सार्वजनिक भएको छ ।  तिहारको लक्ष्मीपूजाको अवसरमा कार्तिक १५ गते प्रदर्शनको तयारीमा रहेको फिल्मको टिजर सार्वजनिक भएको हो । 

 ‘भनिन्छ नि मानिसले आफ्नो हैसियतअनुसारको सपना देख्नुपर्छ । किनकी सपनाले जब आफ्नो हैसियत देखाउन थाल्छ, त्यसको भारी मूल्य आफैले चुकाउनुपर्छ ।’ यहि शब्दमा दिब्यदेवको आवाजको न्यारेसनबाट टिजर सुरु हुन्छ । बीचमा दिब्या र आनासँग प्रदीपले रोमान्स गर्छन र अन्तिममा  ‘एक्टर’ प्रदीप र राजवल्लभ आमनेसामने भएको देखाइएको छ । 

राजन भुषालले  निर्देशन गरेको यो फिल्ममा प्रदिप, आना, र दिव्याका साथ राजबल्लभ कोइराला, दिव्य देव, उषा रजक र सुशील सिटौलालगायतको प्रमुख अभिनय छ ।

 अदृत फिल्मस् र मोती फिल्मस्को संयुक्त प्रस्तुतिमा थमन भण्डारीले फिल्म निर्माण गरेका हुन् । अनिश भुसाल सह(निर्माता र क्रियटिभ प्रोड्युसर मोती कार्की हुन् । पटकथा आकाश बराल र राजन भुसालले संयुक्त रूपमा लेखेका हुन् ।

फिल्मी फण्डा २०८१ आश्विन १२,शनिवार ११ : ३४ AM

451 Shares