फिल्मी फण्डा । अभिनेता अनमोल केसीको मुख्य भूमिका रहेको फिल्म 'छड्के २.0' को टिजर सार्वजनिक भएको छ । टिजरमा अनमोललाई क्रोधित मुद्रामा देख्न सकिन्छ । उनि ग्याङ्गस्टरको  क्यारेक्टरमा फिट भएका छन् ।

अनमोलको शरिरभरीको ट्याटुले गर्दा उनको लुक्स निरन्तरको भन्दा फरक देखिएको छ । मेकिङमा कम्प्रमाइज गरेको देखिदैन । ब्यागराउण्ड म्युजिक सुन्दा आकर्षक लाग्छन् । समग्रमा टिजर आकर्षक बनेको छ । 

निगम श्रेष्ठले निर्देशन गरेको फिल्ममा अनमोलसँगै  रोबिन तामाङ, कमल मणि नेपाल, देव कुमार श्रेष्ठ, सृजना सुब्बा, देवु श्रेष्ठ  लगायतका कलाकारको अभिनय रहेको छ ।

फाल्गुन १९ बाट प्रदर्शनमा आउने फिल्मलाई प्रशान्त गिरि र देव कुमार श्रेष्ठले लगानी गरेका हुन् । मस्को सिंह र राजेन्द्र सापकोटाले खिचेको फिल्मलाई रवि चौधरी र लोकेश बज्राचार्यले सम्पादन गरिरहेका छन् ।  फाल्गुन १९ लाई भ्यागुता कराउने दिन भनिएको छ ।  

लभर ब्वाईको क्यारेक्टरमा हेरिरहेका दर्शकले अनमोललाई छड्के लूक्समा हेर्नुपर्नेछ । टिजरमा आएको कमेन्ट हेर्दा, अनमोलको फ्यानहरु फिल्मलाई लिएर निकै उत्साहित भएको देखिन्छ ।

टिजर :

फिल्मी फण्डा २०७९ माघ १३,शुक्रवार ०८ : ३१ PM

7.2k Shares